خانمی یەكەمی عیراق لەگەڵ وەزیری داراییدا کۆبۆوە

خانمی یەكەمی عیراق دەڵێت، ژنی عیراقی سەلماندی دەتوانێت باڵاترین دەسەڵات بەڕێوەببات و بەسەر ئاستەنگەكاندا زاڵ ببێت.
شاناز ئیبراهیم ئەحمەد خانمی یەكەمی عیراق لە كۆشكی سەلام لە بەغدا چاویكەوت بە تەیف سامی وەزیری دارایی عیراق و هەموو پاڵپشتی و پشتوانییەكی بۆ دووپاتكردەوە و وتی، بۆ یەكەمجارە لە مێژووی عیراقدا ژنێك پۆستی وەزیری دارایی وەربگرێت، ئەوەش سەلماندنی ئەو راستییەیە كە ژنی عیراقی توانای هەیە باڵاترین دەسەڵات بەڕێوەببات و بەسەر ئاستەنگەكانیشدا زاڵ ببێت.
شاناز ئیبراهیم ئەحمەد داواشی لە وەزیری دارایی كرد لە دابەشكردنی بودجەی 2023ی عیراقدا هاوسەنگی بپبارێزن و گرنگی بە خوێندنگە و سەنتەرەكانی ژنان و ئاوەدانكردنەوەی گوندەكان بدرێت.