فەرماندەی گشتی
هێزەکانی سوریای دیموکرات، پەیامێکی لەبارەی هێرشەکەی سەر فڕۆکەخانەی نێودەوڵەتی
سلێمانی بڵاوکردەوە و رایگەیاند، "بە توندی ئیدانەی هێرشکردنە سەر فڕۆکەخانەی
سلێمانی لە لایەن تورکیاوە دەکەین".
مەزڵوم کۆبانێ،
فەرماندەی گشتی هێزەکانی سوریای دیموکرات (هەسەدە) لە تویتێکدا رایگەیاند: "بەتوندی
ئێدانەی هێرشکردنە سەر فڕۆکەخانەی سلێمانی لەلایەن تورکیاوە دەکەین، ئەم پێشلکارییانە
لە عیراق و سوریا بەردەوامن و هەڕەشەی جددین لەسەر ناوچەکە".
ئاماژەی بەوەشکرد:
"هەڵوێستی یەکێتیی نیشتمانی بۆ پشتیوانی براکانی لە سوریا، تورکیا ناڕەحەت دەکات،
ئێمە بەردەوام دەبین لە پەیوەندییەکانمان لەگەڵ برایان و هاوپەیمانانمان لە سلێمانی
و یەکگرتووین دژی ئەو پێشێلکارییانە".
