ئەگەر بەخێرایی بگەڕێینەوە بۆ مێژووی رابردووی دەسەڵات، ئەوا هۆکاری روخان و لێسەندنەوەی هەر دەسەڵاتێک و کۆتاییهاتنی، بە هۆی تاکڕەوی و پەیڕەوکردنی دیکتاتۆری و گەندەڵی و جیاکارییەوە بووە.
لە عیراق و هەرێمی کوردستانیش ریشەی گەندەڵی سیاسی و ئابووری و حکومڕانی تاکڕەویی بۆتە هۆکاری وەستاندن و پەکخستنی دەسەڵاتی بەڕێوەبردنی خەڵک لە هەرێمی کوردستان، ناعەدالەتی و پەیڕەوکردنی هەموو شتێک لەژێر کۆنتڕۆڵی ئیمزای یەک قەڵەم و تێرکردنی بەشێک و برسیکردنی بەشێکی تر، ئەوا ناعەدالەتی دەهێنێتەکایەوە و لە ئەنجامدا بەشێک رازی و بەشێک ناڕازی دەبن.
ئەگەر باشتر وردبینەوە، خودی ئەم نادادپەروەرییە هۆکار و کارتێکی گونجاوە بۆ بەغدا تا بە ئاسانتر و خێراتر بە ئامانجەکانیان بگەن کە بێهێزکردنی هەرێمی کوردستان و کۆنترۆڵکردنی جووڵە سیاسی و ئابوورییەکانیەتی لەژێر دەستەڵاتی خۆیاندا، کە لە دەرەنجامی ئەو حکومڕانییە تاکڕەوییە هاتۆتە ئاراوە.
سیاسەتی جیاکاری و پشتگوێخستن، ناڕوونبوون لە داهاتی نەوت، حکومڕانیی تاکڕەوی و لووت بەرزیی، خەڵکی تووڕەتر و ناچارکرد خۆزگە بخوازن بە رادەستکردنەوەی پڕۆسەی فرۆشتنی نەوت بە سۆمۆ، ئەمەش دەمێکە یەکێتیی نیشتمانیی کوردستان هەوڵی بۆ دەدات، دوای ئەوەی بۆی دەرکەوت کە ناشەفافییەکی گەورە لەسەر دەستی پارتی دیموکراتی کوردستان لە پڕۆسەکەدا هەیە.
پرسیارێکی گرنگ هەیە و خەڵک دەپرسێت، بۆچی خەڵک ئەمەی پێ باشە؟
چونکە : خەڵک بەراوردی مووچەخۆر و ژیانی ژێر دەستی بەغدا دەکات لەگەڵ هەرێمی کوردستان، لەژێر دەسەڵاتی ئەوان گەندەڵی هەیە و کاری باشیش دەکرێت، کۆمەڵێک ئۆفەر و رێگا هەیە بۆ ئەوەی تاکی عیراقی دەرباز بێت لە هەژاری.
پێش ساڵی 2014 عیراقییەکان خۆزگەیان دەخواست وەک هاووڵاتییانی هەرێم بژین، بەڵام ئێستا پێچەوانەیە و خۆزگە و تەنانەت دوعاش دەکەین سەرچاوەی مووچە و بژێوی ژیانمان بچێتەوە بەغدا، چونکە لە هەرێم سیاستی حکومەت بە چەوتی دەڕوات و بەردەوامە.
بەنزین و نەوت و گاز و تەنانەت غازیش گران و کەمە، بەڵام لە بەغدا سەرباری کێشەکانیان لە ئاستی هەرزاندایە و دواکەوتنی مووچە نییە و پاداشت و دامەزراندنی دەرچووان بەردەوامە.
ئەمانەی سەرەوە بەشێک لە جیاوازییەکان بوو، ئیستا کێشەکە بەرەو چارەسەربوون دەڕوات و نزیکبوونەوە لە رێکەوتن و رادەستکردنی نەوتی هەرێم بە سۆمۆ.
گەڕاندنەوەی داهاتی نەوتی هەرێم بۆ سۆمۆ، بە هەوڵ و خواستی یەکێتی بوو، چونکە خواستی خەڵکە بە گشتی
