خانەقین تەنها شارێکی تێکەڵاو نییە، بەڵکو ناوچەیەکی کوردستانییە، کە پێویستی بە چارەسەری گونجاو و خێرا هەیە
خانەقین، ئەو شارە مێژووییەی کە لە پارێزگای دیالەدا هەڵکەوتووە، لە دۆخێکی هەستیار و گۆڕانکاریی بەرچاودا دەژی، ئەم شارە کە پێکهاتووە لە ناوەندی قەزا و چوار ناحیەی گرنگ (قزرابات «سەعدیە»، جەلەولا »گۆڵاڵە»، قەرەتەپە و جەبارە)، شایەتی گۆڕانکارییەکی گەورەی دیمۆگرافییە لە دوا دەییەکان سەدەی رابردوودا.
بە پێی لێکۆڵینەوە مەیدانییەکان و ئامارە دیمۆگرافییەکان، خانەقین و ناحییەکانی دەوروبەری، گۆڕانێکی بەرچاویان بەخۆیانەوە بینیوە:
- ناوەنــدی خانــەقین: کورد لـە 98 %ی دانیشتوانەوە، دابەزیوە بۆ 90 %.
- جەلەولا: کورد لە 70 %ی دانیشتوانەوە دابەزیوە بۆ 20 %.
- سەعدیە: کورد لە 65 %ی دانیشتوانەوە دابەزیوە بۆ 20 %.
- قەرەتەپە و جەبارە: کورد لە 70 %ی دانیشوانەوە دابەزیوە بــۆ 35 %.
گرفتە سەرەکییەکانی خانەقین
1 - کێشەی ئاماری دانیشتوانی خانەقین:
داتاکان لەسەر بنەمای ئاماری ساڵانی نەوەدەکان ماونەتەوە، لە کاتێکدا ژمارەی دانیشتوان گەیشتووەتە زیاتر لە 200 هەزار کەس.
2 - پەراوێزخستنی سیستەماتیک لە:
- دابەشکردنی پڕۆژەکان.
- داهاتی سنووری مونزرییە.
- داهاتی نەوت.
- دامەزراندنی حکومی.
3 - نەبوونی ستراتیژێکی گەشەپێدانی درێژخایەن.
4 - پەرتەوازەیی هێزە سیاسییە کوردییەکان.
راسپاردە و دەرەنجامەکان
خانەقین وەک بەشێکی دانەبڕاو لە کوردستان، پێویستی بە:
- پلانێکی ستراتیژیی نیشتمانی هەیە.
- یەکڕیزیی هێزە سیاسییەکان.
- چارەسەری کێشە ئیدارییەکان.
- گەڕاندنەوەی متمانە بۆ دانیشتوانە رەسەنەکەی.
خانەقین تەنها شارێکی تێکەڵاو نییە، بەڵکو ناوچەیەکی کوردستانییە، کە پێویستی بە چارەسەری گونجاو و خێرا هەیە، بۆ پاراستنی ناسنامە مێژووییەکەی.
