دوای توێژینەوەی مەیدانی، توێژەر خۆی لە ناوەڕاستی دەریایەک زانیاریدا دەبینێتەوە، ئەو زانیارییانەی بەدەستیهێناوە وەك ئامارێك رێكیاندەخاتەوە
توێژینەوەی زانستیی لە ساتی دەستپێكردن، تا بڵاوكردنەوە و پێشكەشكردنی لە هەشت قۆناغ پێکدێت کە بریتین لە:
1.قۆناغی هەڵبژاردنی بابەت: توێژینەوەی زانستیی لە هەڵبژاردنی بابەتەکەوە دەست پێدەکات، كە مەبەست لێی بەدەستهێنانی زانیاری و گەیشتنە بە ئەنجامی لێکۆڵینەوەی بابەتە دیاریکراوەکە یان ئەو بابەتەیە کە لەلای توێژەر کێشە لەخۆدەگرێت.
2.قۆناغی خوێندنەوە و گەڕان بەدوای سەرچاوە و ئاماژەکاندا: واتە خوێندنەوەو گەڕان بەدوای بەڵگەنامە سەرەتاییەکاندا (سەرچاوەکان) یان بەڵگەنامە لاوەکییەکان (ئاماژە) پەیوەست بە بابەتی توێژینەوەکە.
3.قۆناغی دیاریکردنی پرسیار و گریمانەکان: لەسەر بنەمای قۆناغی خوێندنەوە و بیرکردنەوە پرسیار و گریمانەکانی توێژینەوەکە دیاری دەکرێن، پرسیاری توێژینەوەکە دەبێت روون و تایبەت بێت و بتوانرێت وەڵام بدرێتەوە و گریمانەکان تایبەت بن و توانای تاقیکردنەوەیان هەبێت.
4.قۆناغی هەڵبژاردنی شێوازی توێژینەوە: ئەم قۆناغە بریتییە لە هەڵبژاردنی میتۆدۆلۆژیای چۆنایەتی یان چەندایەتی بەپێی ئەو پرسیارەی دەخرێتەڕوو، هەروەها دابەشکردنی بابەتە سەرەکی و لاوەکییەکان لەسەر بنەما و پێوەرە روونەکان.
5.قۆناغی ئامادەکاریی بۆ توێژینەوەی مەیدانی: ئەم قۆناغە هەڵبژاردنی نموونەکە و نووسینی پرسیاری نامەكە لەخۆ دەگرێت.
6.قۆناغی کۆکردنەوەی زانیاری: لەم قۆناغەدا لێکۆڵینەوەی مەیدانیی دەستپێدەکات و توێژەر بەپێی ئەو میتۆدۆلۆژیایەی پەیڕەوی دەکات و لە چوارچێوەی ئەخلاقی توێژینەوەی زانستیدا زانیاری کۆدەکاتەوە.
7.قۆناغی شیکاریی زانیاریی: دوای گەڕانەوە لە توێژینەوەی مەیدانیی، توێژەر خۆی لە ناوەڕاستی دەریایەک زانیاریدا دەبینێتەوە، ئەو زانیارییانەی بەدەستیهێناوە وەك ئامارێك رێكیاندەخاتەوە.
8.قۆناغی نووسین و بڵاوکردنەوە: لەم قۆناغەدا سەرجەم بەشەكان و ئامار و زانیاری و سەرچاوە دروستەكان دادەڕێژرێت، پاش كۆتاییهاتنی و نیشاندانی سەرپەرشتیار، دەتوانرێت وەك توێژینەوەیەكی زانستیی بڵاوبكرێتەوە.
