ئازاد ئیبراهیم
رۆژی شەممە لە ئەبوجای پایتەختی نەیجیریا لووتکەیەکی تایبەت بە بارودۆخی ئابووری و دارایی نەیجەر بەسترا و سەرۆکی وڵاتانی ئەندامی کۆمەڵگەی ئابووریی وڵاتانی خۆرئاوای ئەفریقا (ئیکۆواس)، بڕیاریاندا «دەستبەجێ سزاکانی سەر نەیجەر هەڵبگرن».
هیمێ گەربا پسپۆڕێکی ئابووریی وڵاتەکە، کە بۆ ئاژانسی فرانس پرێس قسەی کردووە، دەڵێت: ئەو بڕیارە کاریگەریی گەورەی دەبێت لەسەر ژیانی هاووڵاتیان و نرخی کەرەستە سەرەتاییەکان دادەبەزێت و دانیشتوانی نەیجەریش لەمێژە چاوەڕوانی بڕیارێکی لەم شێوەیەن.
