قوباد تاڵەبانی: یاد و ناوی دکتۆر عەزیز گەردی بەزیندوویی دەمێنێتەوە

بۆ کۆچی دوایی نووسەر و وەرگێڕی بەتوانای کورد، قوباد تاڵەبانی پەیامێکی بڵاوکردەوە کە ئەمە دەقەکەیەتی: 
زۆر بەداخەوە خزمەتکارە گەورەکەی زمان و ئەدەبی کوردی مامۆستا عەزیز گەردی کۆچی دوایی کرد. 
لە دڵەوە پرسە و سەرەخۆشی ئاڕاستەی خانەوادە و کەسوکاری مامۆستا و هەموو خەمخۆرانی زمان و ئەدەبی کوردی دەکەم. 
مامۆستا لە ریزی ئەو نووسەر و رۆشنبیرە گەورانەی گەلەکەماندایە کە کاریگەرییان لەسەر نەوەکانی داهاتووش بەردەوام دەبێت و نەوە لە دوای نەوە شانازی بە بەرهەمەکانیانەوە دەکەن. 
یاد و ناوی دکتۆر عەزیز گەردی بە زیندوویی دەمێنێتەوە.

قوباد تاڵەبانی