بەپێی راگەیەندراوێکی کۆشکی سپی، جۆ بایدن سەرۆکی ئەمریکا لە پەیوەندییەکی تەلەفونیدا ھۆشداریی توندی داوەتە بنیامین ناتانیاھۆ سەرۆک وەزیرانی ئیسرائیل لە درێژەکێشانی شەڕ لەگەڵ حەماس کە زیانێکی زۆری گیانی و ماددی لێکەوتۆتەوە.
بایدن داوایکردووە بەپەلە و بە زووترین کات ئاگربەست رابگەیەندرێت، بۆ ئەو مەبەستەش حەماس و ئیسرائیلی ھان داوە بگەنە رێکەوتن.
میدیاکانی ئەمریکا دەڵێن، لەماوەی شەش مانگی رابردووی شەڕی نێوان حەماس و ئیسرائیل، یەکەمجارە بایدن بە ئاشکرا داوای ئاگربەستی بەپەلە بکات.
