بە بەشداری کۆمەڵێک زانکۆی عیراقیی و ئێرانی و دەزگای دارایی، زانکۆی موستەنسەرییە کۆڕبەندێکی زانستی ئابووری سازکرد. لەم کۆڕبەندەدا کۆمەڵێک پسپۆری دارایی و مامۆستای ئابووری لە عیراق و ئێران بەشداربوون، لەناویشیاندا د.ئەیوب ئەنوەر سماقەیی مامۆستای کۆلیژی ئابووری لە زانکۆ سەلاحەدین و سەرۆکی لقی هەولێری سەندیکای ئابووریناسی کوردستان بوو. لەوبارەیەوە د.ئەیوب بە کوردستانی نوێی راگەیاند: من وەکو تویژەری ئابووری لەگەڵ محەمەد جەبار حەمەعەلی بە توێژینەوەیەکی هاوبەش بەناونیشانی «پێوانەکردنی ژمارەیی بۆ پەرەپێدانی بەردەوام لە هەرێمی کوردستانی عیراق « بەشدارییمان لەو کۆڕبەندە کرد.