باشترین کات بۆ میوەخواردن

11:51 - 2022-06-12
ژینگە
24 جار خوێندراوەتەوە

لە کوردەواریدا وا باوە لەدوای نانخواردن یان عەسران میوە ئەخورێت، بۆتە کەلتور کەمێک بەر لە بەڕێکردنی میوانەکان لە درەنگانی شەو سفرەی ماڵەکان بە میوەی جۆراوجۆر وەک شوتی و کاڵەک و ترێ و مۆز و ئەوانی تر دەڕازێندرێتەوە، ئایا ئەوکاتانە تەندروستن؟ ئەگەر وانیە ئەی چ کاتێک باشترینە بۆ خواردنی میوە؟
هەموو شارەزایانی خۆراک و بواری تەندروستی دەڵێن: میوە دەبێت لەناو سیستمی خۆراکی مرۆڤ هەبێت و بۆ تەندروستی زۆر باشە، بەڵام گرنگتر ئەوەیە کە هۆشیاری هەبێت و بزانرێت چ کاتێک بخورێت تا لەجیاتی سوودەکەی زیانمان پێ نەگەیەنێت.
لەمبارەیەوە یۆهان شمیدت پزیشک و شارەزای خۆراک لە ئەڵمانیا دەڵێت: بەهۆی ئەوەی میوەکان بەڕێژەی جیاواز شەکریان تێدایە نابێت زیادەڕۆیی لەخواردنیان بکرێت و باشترین کاتیش بۆ خواردنیان بەر لە نانی بەیانییە، چونکە ئەوکاتە کۆئەندامی هەرس دەتوانێت زوو ئەو شەکرەی ناوی لەناو ببات، جگە لەوەش جەستە سوود لەو مادە بەسوودانەی ناوی وەک ڤیتامین  C و ریشاڵ و دژەئۆکسیدەکان وەردەگرێت کە لەدژی هەوکردن کاری خۆیان دەکەن.
ئەو شارەزایەی خۆراک باسی لەوەشکردووە، خواردنی میوە لەگەڵ ژەمەکان و خواردنی چەور بۆ گەدە زۆر خەراپە وا دەکات ئەنزیمەکانی هەرسکردنی خواردەمەنی نەڕژێنە سەر کاری هەرسی میوەکە و بەهی تر سەرقاڵ دەبن، ئەمەش وا دەکات رێژەی شەکر بەرزبێتەوە و زیانی تەندروستی لێبکەوێتەوە.
بەپێی رێنماییەکانی ئەو پزیشکە پێویستە میوەکان لەیەک جیابکەینەوە  بۆ نموونە مۆز نابێت بەهیج شێوەک بەسکی بەتاڵ بخورێت، چونکە بۆ هەرس قوڕسە و رێژەی 25٪ ی شەکرە و کار دەکاتە سەر بەرزی و نزمی ئەنسۆلین لەناو خوێندا، ئەمەش بێتاقەتمان دەکات و هەست بەبرسیەتی زیاتر دەکەین، بەڵام ئەگەر لەگەڵ هەنگوین یان چەرەزات بخورێت ئەوا سوود لە ڤیتامین B  و پۆتاسیۆمەکەی ناوی وەردەگیرێت.

سەرچاوە: PrIsma , DW

بابەتە پەیوەندیدارەکان