حسێن عەزیز
مامۆستا محەمەد وەردە چالاکوانی مەدەنی لە ناحیەی رزگاری-گەرمیان، بەکوردستانی نوێ-ی راگەیاند: رێگای جووتسایدی ناسراو بە (گەنجان ـ ئاسایش) لە ناحیەی رزگاری کە نزیکەی پێنج کیلۆمەترە، ماوەی چەند ساڵێکە بەهۆی وەرنەگرتنی لەلایەن حکومەتەوە، جگە لە قیرتاوکردنی، خزمەتگوزارییەکانی تری بۆ نەکراوە.
وتیشی، لەلایەن بەشێک لە دانیشتووانی گەڕەکی ئاوباریک و گەرمیان-ەوە، جەزرەوەسەتی نێوان شەقامەکان کراوەتە جێگەی فڕێدان و کوبوونەوەی خۆڵ و خاشاک و سیمایەکی ناشارستانییان هەیە.
باسی لەوەشکرد، داوا لە شارەوانی رزگاری و لایەنی پەیوەندیدار دەکەین کە هەستن بەتەواوکردنی پرۆژەکە و دانانی ستوون و رووناککەرەوە و ناشتنی نەمام و سەوزکردنی نێوان شەقامەکە.
