فەرماندەیی هێزەكانی كۆماندۆی كوردستان، روونكردنەوەیەكی بۆ رای گشتی بڵاوكردەوە و رایگەیاندووە: لە پێناوی سەروەربوونی یاسا «كوڕانی كۆماندۆی كوردستان» تۆمەتباری كوشتنی مێرد منداڵەكەی گەڕەكی راپەڕین لە سلێمانی، رادەستی بنكەی پۆلیسی راپەڕین كرد.
لە روونكردنەوەكەدا هاتووە: بۆ ئەم رووداوە نەخوازراوە، پرسە و سەرەخۆشی خۆمان ئاڕاستەی خانەوادە و كەسوكاری (شا ڕەوەندە بابا عەلی) دەكەین و لە خوای گەورە داواكارین سەبووری و ئارامی بە دڵی باوك و دایك و خانەوادە بەڕێزەكەی ببەخشێت.
هەروەها لە روونكردنەوەكەدا، رەخنەی توند لە (دەركراوەكان)ی نێو حزبی شەهیدان، گیراوە كە لەڕێگەی پەیج و میدیاكانیانەوە هەر رۆژە و تۆمەتێك دەبەخشنەوە.