لە پەیامێكدا، دەرباز كۆسرەت رەسوڵ، رایگەیاندووە: لە هەولێر پێشوازیمان كرد لە ژمارەیەك دۆست و هەڤاڵی كۆسرەت رەسوڵ عەلی.
لەبارەی سەردانەكەوە، دەرباز كۆسرەت رەسوڵ ئەندامی مەكتەبی سیاسیی ی.ن.ك، دەڵێت: وێڕای خۆشحاڵیمان بە بینینیان، جەختمان لەسەر بەها نەگۆڕەكانی هەولێرییە رەسەنەكان كردەوە كە برایەتی و خزمەتكردن و باوەشی حەوانەوەی سەرجەم كوردستانییانە.
ئاماژەی بەوەشكردووە كە هەولێرییەكان سەلماندوویانە ئەوانن بوونەتە سەرەڕمی گۆڕانكارییە ریشەییەكان، دڵنیاین هەموو ئەوانەی خۆیان بە هەولێری دەزانن، ئامادەی هەر كارێكن، كە ببێتەمایەی گۆڕانكاری و نوێبوونەوە و دادپەروەری و خۆشگوزەرانی بۆ خەڵكی كوردستان، راپەڕین و شۆڕشەكانی بزووتنەوەی رزگاریخوازی كوردستان، ئەم شایەتییە بۆ هەولێر دەدەن.
ئەوەی هیوایەكی بۆ كوردستان دروست كردووە، ئەوەیە هەولێرییە رەسەنەكان دەزانن كێ نوێنەری راستەقینەی ئەوانەو كێ دەتوانێ دادپەروەرییان بۆ بەدی بهێنێ.