محەمەد تۆفیق نەورۆڵی
چرۆ حەمە شەریف بۆ كوردستانی نوێ: سەرۆك بافڵ رۆڵی گرنگی بینی لە خوێندنەوەی دووەم بۆ پرۆژەیاساكە
ئەندامێكی فراكسیۆنی یەكێتی لە ئەنجومەنی نوێنەرانی عیراق رایدەگەیەنێت: كار بۆ ئەوە دەكەین هەنگاوەكانی بەپارێزگاكردنی هەڵەبجە خێراتر بكرێن، دەشڵێت: سەرۆك بافڵ رۆڵی گرنگی بینی لە خوێندنەوەی دووەم بۆ پرۆژەیاساكە.
چرۆ حەمە شەریف ئەندامی ئەنجومەنی نوێنەرانی عیراق لە فراكسیۆنی ی.ن.ك لە لێدوانێكدا بۆ كوردستانی نوێ رایگەیاند: پرۆژەیاسای بە پارێزگابوونی هەڵەبجە، تەنها خوێندنەوەی سێیەمی ماوە و ئێستا كار بۆ ئەوە دەكەین تا هەنگاوەكان بەو ئاراستەیە خێراتر بكەین، بۆ ئەوەی بەرەسمی ببێتە پارێزگا، هۆكاری دواكەوتنەكەشی گەڕاندەوە بۆ ئەوەی كە ئێستا ئەنجومەنی نوێنەران، سەرۆكی نییە و جێگری یەكەم بە وەكالەت سەرۆكایەتیی كۆبوونەوەكان دەكات، جگە لەوەش هەندێك لایەن بەپارێزگاكردنی چەند ناوچەیەكی دیكەیان كردۆتە مەرج بۆ دەنگدان لەسەر بەپارێزگابوونی هەڵەبجە.
ئاماژەی بەوەش دا: سەرۆك بافڵ رۆڵێكی كاریگەری بینی لە سەروبەندی خوێندنەوەی دووەم بۆ پرۆژەیاساكە و نەیهێشت كێشەی بۆ دروست ببێت و لەگەڵ لایەنەكاندا كۆبووەوە و لە گرنگی بە پارێزگابوونی هەڵەبجە ئاگاداری كردنەوە.
