هەندێ كەسایەتی هەن، هێندە لە شوێنی كارەكەیان بینراون بوونەتە لۆگۆ، ئەحمەد نوری رەشید ناسراو بە (ئەبو شەهاب) یەكێكە لەوانە، زیاتر لە 20 ساڵە لە راگەیاندنی یەكێتی وەك چایچی و خزمەتگوزار كار دەكات . ئەگەرچی پیاوێكی قسە خۆش و خۆش مەشرەفە، بەڵام دڵی ناسكە و زوو تووڕە دەبێت، هەر زوویش ئاشتدەبێتەوە. پێم وت ئەبو شەهاب چۆنە ئەو هەموو ساڵە لە راگەیاندنی یەكێتیدا بێ ماندووبوون كاردەكەیت؟
لەوەڵامدا وتی: شوێنی كارەكەم لەگەڵ بیروباوەڕەكەمدا گونجاوە، ئەگەر بە خۆبەخشیش بووایە هەر كارم تێدا دەكرد، زۆر جار پێم وتراوە تەمەنت هەڵكشاوە بڕۆ پشووبدە و موچەكەت بۆ دەنێرین بۆ ماڵەوە، وتوومە: دەستبەرداری راگەیاندن نابم و دەمەوێت تا دواهەناسە خزمەت بكەم.
سەبارەت بەو پرسیارەیش چۆن لە كوردستانی نوێ دامەزراوە، وتی: رەوانشاد عادل موڕاد لەسەر پێشنیازی مامۆستا مستەفا ساڵح كەریم سەرەتا لە رۆژنامەی الاتحاد وەك چایچی دایمەزراندم، لەپاشان هاتمە كوردستانی نوێ وەك خزمەتگوزار و بۆ دابەشكردنی رۆژنامەكە بەسەر بەشە جیا جیاكاندا.
گوڵەباخ