بە بۆنەی 43 هەمین ساڵیادی كۆچی دوایی پادشای مەقاماتی كوردی مامۆستا عەلی مەردان، كۆشكی رۆشنبیری هونەری كەركوك كۆڕێكی بۆ هەریەك لە هونەرمەندان نورەدین جاف لێپرسراوی ناوەندی عەلی مەردان و عومەرە درێژ ئەندامی ناوەندەكە رێكخست.
لە كۆڕەكەدا نورەدین جاف بە تێروتەسەلی باسی لە ژیان و بەسەرهاتی مامۆستا عەلی مەردان كرد كە بە درێژایی ژیانی خزمەتێكی ئێجگار زۆری بە هونەری مەقاماتی كوردی کرد و دەیان مەقامبێژ لەسەر دەستی ئەو هونەرمەندە فێری هونەری مەقام بوون لە كەركوك و لە بەغدا.
هاوكات هونەرمەند عومەرە درێژ بە دەنگە زوڵاڵەكەی چەندین مەقامی مامۆستا عەلی مەردانی پێشكەش بە ئامادەبوان كرد.
رزگار شوانی
