ئازاد ئیبراهیم
خالید شوانی وەزیری دادی عیراق لە پشکی یەکێتیی نیشتمانیی کوردستان لە بەیاننامەیەکدا رایگەیاندووە، ئەو ئەندامە عەرەبانەی ئەنجومەنی پارێزگای کەرکوک کە بەشدارییان لە دانیشتنی هەڵبژاردنی سەرۆکی ئەنجومەن و پارێزگار و جێگرەکەیدا کردووە، لەلایەن ژمارەیەک سیاسی و کەسەوە لەژێر دروشمی بەرگریکردن لە مافی پێکهاتەکان، هەڵمەتێکی نادادپەروەرانەیان لە دژ دەکرێت.
ئاماژەی بەوەشداوە، وەک ئەرکێکی مرۆیی و ئەخلاقی و سیاسی، وەک شایەتحاڵێک بۆ وردەکارییەکانی دانوستانەکان، دەمەوێت بۆ رای گشتی روون بکەمەوە «ناوبردنی ئەو کەسانە وەک خیانەتکار کە بەشداریی کۆبوونەوەکەیان کردبوو، خاڵییە لە هەموو مانایەکی مرۆڤایەتی.
دەشڵێت: ئەوانەی دانیشتنی کەرکوکیان رەتکردەوە، پێشتر نامەیان بۆ سەرکردایەتیی یەکێتی ناردبوو و دەیانویست دانوستان لەگەڵ ئێمە بکەن.
