هاووڵاتییەکی عەرەب هانا بۆ پارێزگاری کەرکوک دەبات
پارێزگاری کەرکوک چاوی بە خێزانێکی عەرەبی لێقەوماو کەوت و بەڵێنی چارەسەری کێشەکانی پێدان.
دوای ئەوەی لە چەند رۆژی رابردوودا لە رێی تۆڕە کۆمەڵایەتییەکانەوە ژنێک کە لەنەتەوەی عەرەبە هانای بۆ پارێزگاری کەرکوک برد بەهۆی تێکدانی خانووەکەیەوە، رێبوار تەها پارێزگاری کەرکوک لە دیوانی پارێزگا چاوی بەو خێزانە کەوت و دوای ئاگاداربوون لە گرفتەکەیان فەرمانیدا بۆ قەرەبووکردنەوەی تێچووی خانووەکەیان و چاککردنەوەی.
هەر لەوبارەیەشەوە دوای ئەوەی ژنەکە رایگەیاند: مێردەکەی خاوەن پێداویستیی تایبەتە و پێشتر مووچەی تۆڕی چاودێریی کۆمەڵایەتییان هەبووە و بڕاوە، فەرمانی بە فەرمانگە پەیوەندیدارەکانی پارێزگاکە کرد مووچەکەیان بۆ بگێڕدرێتەوە.
