ئیبراهیم رەئوف ناسراو بە مامۆستا ئیبراهیم ساڵی 1961 لە سلێمانی لەدایكبووە و لە كۆتایی ساڵانی هەشتاكانەوە شیعر دەنووسێت و پێشتر مامۆستا بووە و ئێستا سەرقاڵی نووسین و خوێندنەوەیە.
ئیبراهیم رەئوف لەبارەی شیعرەوە بە دوالاپەڕەی وت: شیعر هیچ پێناسەیەكی رەهای نییە و بە رای من شیعر، ژیانە، سۆزی دڵ، هەناسەی عاشقانە، فرمێسكی پەلكەزێڕینەی ئاسمانە، فەنتازیا و خەیاڵە. ساڵانێكە لەسەر نووسینی شیعری نوێ بەردەوامم و خاوەنی دوو دیوانی شیعریم، بە ناوەكانی «زایەڵەی پەنجەی زێڕین» و «ئازاری ژیان» كە هەردووكیانم چاپ و بڵاوكردۆتەوە،
خاوەنی پەنجاوشەش شیعرم، بەڵێ هەمیشە شیعری نوێم هەیە بەردەوام لە نوێبونەوەدام خاوەنی دوو كتێبم بەناوی زایەڵەی پەنجەی زێڕین و ئازاری ژیان بەچاپ گەیاندووە، خاوەنی 56 شیعرم كە ناوەرۆكی زۆربەیان لەبارەی خۆشەویستی نیشتمان و سروشت و سۆزدارییە و سلێمانی لای من بەهەشتی ئازادی و فەنتازیای ژیانە، بەبێ سلێمانی منیش نیم.
لەبارەی شیعرەوە وتی: شیعر لە راستیدا بەرپرسیارێتییە و ناكرێ بە سانایی لە شیعر بڕوانین، دواجار تەنها هەر شیعرە جوانەكان دەمێننەوە، چونكە پارێزگاری لە خۆیان دەكەن.
ئالان محەمەد جەزا
