وەزارەتی سامانە سروشتییەکانی هەرێمی کوردستان رایگەیاند، حکومەتی عیراق یەکەم کاروانى نەوتى سپی گەیاندووەتە پارێزگاکانى سلێمانى و دهۆک، پێشتریش نەوتى سپى رەوانەى پارێزگاى هەولێر کراوە.
وەزارەتى سامانە سروشتییەکان، لە راگەیەندراوێکدا ئاماژەی بەوەکردووە، وەزارەتى نەوتى عیراق تەنیا رەزامەندى لەسەر 19%ى پێداویستییەکانی هەرێمی کوردستان داوە، نەوتەکەى حکومەتى عیراق سەرەتا بەسەر ئەو خێزانانەدا دابەشدەکرێت، کە لە ناوچە شاخاوییەکاندا دەژین.
ناردنی نەوتی سپی بۆ پارێزگاکانی سلێمانی و دهۆک لەکاتێکدایە، هەفتەی رابردوو حکومەتى عێراق یەکەم کاروانى نەوتى سپى گەیاندە پارێزگاى هەولێر و بەسەر ناوچە شاخاوییەکان و ئیدارە سەربەخۆکاندا دابەشکرا.
