گوتی ژیێ من 16 سال بوون دەما من كارێ نانپێژیێ دكر و تا نوكە ئەز یێ بەردەوامم و من ل بەر نینە ئەز چ كارێن دی بكەم. دەما مە پرسیار ژێكرێ، ئەو چ ئەگەرن بوون بەرێ تەدایە كارێ نانپێژیێ؟ چیای گوت: «نان ژێدەرێ ژیانێ یە و چ مالەك نینە ئەگەر رۆژانە پێدڤی نانی نەبن، بۆ سەر سفرا خوارنێ». لدوور بەردەوامییا وی ل سەر ڤی كاری و ئایا گرنگییا سەركەفتنا هەر پیشەیەكی دچ دایە؟ چیایی سیاری گوت: «هەر كارەكێ مرۆڤ بكەت و بتنێ چاڤێ مرۆڤی ل پارەی ما، ئەو كار ب سەرناكەڤیت و نە مرۆڤ خێرێ دگەهینتە خوە و نە كەسێن دی ژی و ئەز سەركەفتنا خوە دڤێ چەندێ دا دبینم، من دڤێت كارەكێ وەسا بكەم، خەلك ژمن و كارێ من یێ رازی بیت، گرنگ نینە ئەز چەند پێڤە ماندی ببم.
