كەركوك، هەڵمەتی دانانی محاویلە دەستیپێكرد

هێمن ئەحمەد

لەسەر راسپاردەی رێبوار تەها پارێزگاری كەركوك، هەڵمەتی دانانی محاویلەی كارەبا بۆ گەڕەكەكانی كەركوك دەستیپێكرد.
لەوبارەیەوە، دانیاڵ هەمەوەندی جێگری بەڕێوەبەری فەرمانگەی دابەشكردنی كارەبای كەركوك، بەكوردستانی نوێ-ی راگەیاند: سەرەتای هەڵمەتەكە لە گەڕەكی پەنجاعەلییەوە دەستیپێكرد و دواتر گشت ئەو گەڕەكانە دەگرێتەوە كە پێویستیان بەدانان یان گۆڕینی محاویلەی كارەبا هەیە، وتیشی: هۆكاری كەمبوونی رێژەی كارەبای نیشتمانی لە كەركوك و سەرجەم پارێزگاكانی عیراق، بۆ وەستانی غاز دەگەڕێتەوە، كە ئێستا سەرقاڵی چاككردن و نۆژەنكردنەوەی وێستگەكانن و ماوەی 15 رۆژ دەخایەنێت.
ئەوەشی خستەڕوو كە ئێستا تیمەكانیان سەرقاڵی دانانی ستونی كارەبان و تا كۆتایی ساڵ سەرجەم شەقامەكانی كەركوك و دەوروبەی رووناككەرەوەكانی چاك دەكرێنەوە.