لە راگەیاندراوێکدا پۆلیسی پارێزگای سلێمانی بڵاویکردەوە، مەفرەزەکانی بنکەی پۆلیسی ئازادی ئەو شۆفێرەیان دەستگیرکرد کە بە ئۆتۆمبیلێکی جۆری (مەلیکە) کەسێکی شێلابوو و هەڵاتبوو.
پۆلیسی سلێمانی راشیگەیاندووە، دوای ئەوەی زانیاری درابوو بەهێزەکانی پۆلیس کە هاووڵاتییەک بە ئۆتۆمبێلەکەی کەسێکی شێلاوە و هەڵاتووە، هێزەکانی پۆلیس لێکۆڵینەوەو بەدواداچوونەکانیان دەستپێکرد و بە سودوەرگرتن لە کامێراکانی چاودێری تواندرا ئۆتۆمبێلەکە بناسرێتەوە، کە لە جۆری تویۆتا کراون بوو و بە مەلیکە ناسراوە، پاشان هێزەکانی پۆلیس شۆفێرەکەیان دۆزیوەتەوە و دەستگیریان کردووە.
