وەزارەتی دارایی عیراق دەڵێت، ئەو تۆمەتانەی باس لە خەرجنەکردنی مووچەی مووچەخۆرانی هەرێمی کوردستان دەکەن دوورن لە راستییەوە.
ئاماژەى بەوەشکردووە، مووچەی مانگەکانی 10 و 11ی مووچەخۆرانی هەرێمى کوردستان دابینکراوە و نێردراون بۆ لایەنی پەیوەندیدار.
وەزارەتەکە جەختکردۆتەوە، "وەزارەتى دارایى هەرێمى کوردستان پابەندى رێکارەکانمان نەبووە، بەهۆى کێشە لە تەرازووى پێداچوونەوە، هەرێمى کوردستان دابەشکردنى مووچەى دواخستووە".
روونیشکراوەتەوە، "بەگوێرەى رێکارە یاساییەکان پابەندین بە تەمویلکردنى مووچە لە کاتى خۆیدا، لەگەڵ هەرێمى کوردستان لەبارەى مووچەوە لە پەیوەندى بەردەوامداین".
