داهاتی نانەوتیی ئەم هەفتەیەی سنووری پارێزگاكانی سلێمانی و هەڵەبجە زیاتر لە نۆ ملیار دینارە و بەراورد بە هەفتەی رابردوو ٤٧٤ ملیۆن دینار كەمیكردووە.
ماڵپەری شەفافیەت بۆ بڵاوكردنەوەی داهاتی نانەوتی پارێزگاكانی سلێمانی و هەڵەبجە و ئیدارە سەربەخۆكانی ڕاپەڕین و گەرمیان بڵاویكردەوە، داهاتی نانەوتی لە ٧/١٢ تا ١٣ی ئەم مانگە، زیاتر لە ٩ ملیار و ٩٨٩ ملیۆن و ٣٢ هەزار دینار بووە كە ٩٩%ی نەختینە و ١%ی بەشێوەی چەك بووە، بەراورد بە هەفتەی رابردووش، بەڕێژەی زیاتر لە ٤% واتە بڕی ٤٧٤ ملیۆن دینار كەمیكردووە.
بەپێی ماڵپەرەكە، داهاتی نانەوتی سنووری پارێزگاكانی سلێمانی و هەڵەبجە لە سەرەتای ئەمساڵەوە تائێستا، زیاتر لە ٨٦٣ ملیار و ٥٩٥ ملیۆن و ٦٦٦ هەزار دینارە، بەراورد بە ساڵی رابردوو ٣١٠ ملیار دینار و بەرێژەی ٢٦% كەمیكردووە.
