لە روسیا پلەكانی گەرما سێ هێندە خێراتر بەرز دەبنەوە

ئاندریە كیسیلۆڤ زانای كەشناسیی روسی رایگەیاندووە، پلەكانی گەرما لە روسیا بەراورد بە وڵاتانی دیكە نزیكەی سێ هێندە خێراتر بەرزدەبنەوە.
ئەو زانایە ئەوەی خستووەتە روو، ئەم زستانە لە روسیا جیاوازە و لە بەشی ئەوروپای وڵاتەكەدا تێكڕای پلەكانی گەرما 10 پلە زیاترن بەراورد بە پلەی گەرمای ئاسایی.
ئاندریە هۆكارەكەی بۆ گۆڕانی كەشوهەوا و گەرمبوونی جیهان گەڕاندووەتەوە و دەشڵیت، هێشتا ئەمە بەو مانایە نایەت كە وەرزی زستان گەرم دەبێت، بەڵام دوور نییە بە درێژایی ساڵانی داهاتوو ئەو گۆڕانكارییە رووبدات.
ئەو زانای كەشناسییە دەشڵێت، بەرزبوونەوەی تێكڕای پلەكانی گەرما لە جیهاندا و گەرمبوونی جیهان پرسێكی گشتییە، بەڵام لە روسیا بەرزبوونەوەی پلەكانی گەرما خێراترە، بە جۆرێك خێرایی بەرزبوونەوەكەی 2.7 ئەوەندەی وڵاتانی دیكەیە.