ئەنجوومەنی پیران کاندیدی دۆناڵد ترەمپی وەک بەڕێوەبەری نوێی دەزگای هەواڵگریی نیشتمانیی ئەمریکا ناسراو بە سی ئای ئەی "CIA" پەسەندکرد.
ئەنجوومەنی پیران بە 74 دەنگی پشتیوانی و 25 دەنگی دژ، جۆن راتکلیفی کردە 25ەمین بەڕێوەبەری نوێی سی ئای ئەی دواتر لەبەردەم جی دی ڤانس جێگری ترەمپ سوێندی یاسایی خوارد.
جی دی ڤانس بەڕێوەبەری نوێی دەزگای هەواڵگریی ئەمریکای بە خەباتکارێکی گرنگ پێناسەکرد کە جێگەی باوەڕی دۆناڵد ترەمپە بۆ وەرگرتنی ئەرکی بەرپرسیارێتی ئەو دەزگایەی کە پێشتر ترەمپ و پارتی کۆمارییەکان رەخنەیان لێدەگرت کە نەیتوانیوە لە پرسەکانی جەنگی ئۆکرانیا، ئەفغانستان و رۆژهەڵاتی ناوەڕاستدا بەرگری لە سیاسەتەکانی وڵاتەکەی بکات.
