د.لەتیف رەشید سەرۆك كۆمار، دوێنێ لە بەغدا، پێشوازی لە جەنەراڵ جبریل رەجوب ئەمینداری گشتیی كۆمیتەی ناوەندی بزووتنەوەی فەتح، كرد.
لە دیدارێكدا، سەرۆك كۆمار هەڵوێستی نەگۆڕی عیراقی سەبارەت بە پرسی فەلەستین و مافی چارەنووس و راگەیاندنی دەوڵەتی سەربەخۆ لەسەر خاكی نیشتمانی خۆی، دووپاتكردەوە، ئاماژەشی بە گرنگی بڕیاری ئاگربەست لە غەززە وەك سەرەتایەك بۆ بەرقەراركردنی ئاشتی و سەقامگیریی لە ناوچەكەدا، كرد.
لای خۆیەوە، جەنەراڵ رەجوب، سوپاسی هەڵوێستەكانی سەرۆك كۆماری كرد بۆ پشتیوانیی بەردەوام و نەگۆڕی لە دۆزی فەلەستیندا و جەختی لەسەر قووڵیی پەیوەندییەكانی نێوان هەردوو وڵات كردەوە.
