جۆناسان تا، بەرگریکاریی یانەی بایەر لیڤەرکوزنی ئەڵمانی، ئۆفەری لەلایەن هەردوو یانەی بەرشلۆنەی ئیسپانی و بایرن میونشنی ئەڵمانی پێشکەشکرا، بەڵام بەرشلۆنەی هەڵبژارد.
جۆناسان تەمەنی 29 ساڵە و هاوینی ئەمساڵ روودەکاتە ریزەکانی بەرشلۆنە، رۆژنامەی موندۆ دیپۆرتیڤۆش ئاماژەی بەوەدا کە مەرجەکانی ناو گرێبەست و سەرجەم پەڕاوەکان خراونەتە بەردەم جۆناسان و بەم زووانەش بەفەرمی گرێبەستەکە یەکلایی دەکەنەوە.
هاوینی ئەمساڵ، بەرگریکارەکە گرێبەستی لەگەڵ بایەر لیڤەرکوزن کۆتایی دێت، وەک خۆشی گووتیەتی دەیەوێت درێسی بەرشلۆنە بپۆشێت، هاوکات دەبێتە یەکەم گرێبەستی هاوینەی کەتەلۆنیەکان بۆ وەرزی نوێ.
