زیاتر لە 17 هەزار منداڵ لە سلێمانی چارەسەریان بۆ دەكرێت
بەڕێوەبەرایەتیی گشتیی سلێمانی، ئاماری مانگی رابردووی نەخۆشخانەی دكتۆر جەمال ئەحمەد رەشیدی منداڵانی فێركاری لە سلێمانی بڵاوكردەوە.
تەندروستی سلێمانی لە ئامارێكدا بڵاویكردەوە كە لەماوەی یەك مانگدا 17 هەزار و 458 منداڵی نەخۆش لە بەشی بەیانیان و راوێژكاری بینراون چارەسەریان بۆ كراوە.
جەختیش كراوەتەوە لەوەی كە لەو ژمارەیە هەزار و 800 منداڵ كە 158 یان نەبەكام بوون لە نەخۆشخانە ماونەتەوە، 620 حاڵەتیان سكچوون و رشانەوە و وشكبوونەوە بووە، 693 هەناسە توندی و 381 لە بەشی تیشك و سۆنەر و 132 لە بەشی بەدخۆراكی و 140 لە بەشی راهێنانەوەی خۆراك و 129 لە بەشی هەرس و جگەر بینراون.
ئامارەكە، ئەوەشی خستۆتەڕوو كە 19 هەزار و 241 پشكنینی تاقیگەیی جۆراوجۆر و 393 سۆنەر و 79 ئیكۆ و 18 نازوور بووە، لەگەڵ 581 تیشك.
لە سلێمانی شەش هەزار و 151 بتڵ خوێن لە بانكی خوێن رادەكێشرێت
بەڕێوەبەرایەتیی گشتیی تەندروستی سلێمانی ئاماریی مانگی رابردووی بانكی خوێنی لە سلێمانی بڵاوكردەوە.
لەو ئامارەدا هاتووە کە لە ماوەی یەك مانگدا شەش هەزار و 455 كەس سەردانی نەخۆشخانە حكومی و ئەهلییەكانیان كردووە و شەش هەزار و 151 بوتڵ خوێن لە بانكی خوێن راكێشراوە.
جەختیشكراوەتەوە كە لەو ژمارەیە 852 بوتڵ خوێن لە سەنتەری تالاسیمیا و دوو هەزار و 554 لە نەخۆشخانەی هیوا و 494 لە نەخۆشخانەی شار و 72 لە نەخۆشخانەی فێركاری و 148 لە نەخۆشخانەی دڵ و 138 لە نەخۆشخانەی منداڵ و هەزار و 193 لە نەخۆشخانە ئەهلییەكان راكێشراوە.
ئامارەكەی تەندروستی سلێمانی ئەوەشی خستۆتەڕوو كە لەبانكی خوێن پێنج هەزار و 100 پشكنینی هیماتۆلۆجی و چوار هەزار و 617 پشكنینی گروپی خوێن و سێ هەزار و 393 پشكنینی ڤایرۆسات و دوو هەزار و 659 پشكنینی جیاكردنەوەی پێكهاتەكانی خوێن كراوە.
