فیفا: میركاتۆ ریكۆردی تۆمار كردووە

یانەكانی پریمەرلیگ لە میركاتۆدا پێشەنگن

رۆژی هەینی رابردوو، یەكێتیی نێودەوڵەتی تۆپی پێ، راپۆرتێكی بڵاو كردەوەو تیادا هاتووە، لەم میركاتۆی زستانەیەی دوایدا بازاڕی هاتن و چوونی یاریزانان زۆر گەرم بووە، یانەكانی وڵاتان لەسەرجەم كیشوەرەكاندا، زۆرترین بڕە پارەیان تیادا خەرج كردووە كە نزیكە لە 2:5 ملیار دۆلار.
هەر لەو راپۆرتەدا هاتووە، ساڵی 2023 میركاتۆی زستانە ریكۆردی تۆمار كردبوو، كاتێك بڕی 1:57 ملیار دۆلار لە بازاڕی كڕین و فرۆشتنی یاریزاناندا خەرج كرا، بەڵام ئەمساڵ – 2025، رێژەكە 47:1 ٪ زیادی كردووە و گەیشتۆتە نزیكەی 2:5 ملیار دۆلار.
هەرلەم راپۆرتەی فیفادا هاتووە، میرکاتۆ رۆژی 1/1 دەستیپێكردووە و 4/2/205 كۆتاییهاتووە، لە كۆتا رۆژیدا ژمارەی گواستنەوەی یاریزانان لە نێوان یانەكاندا گەیشتە 5863 یاریزان، كە ئەم یانەو ئەو یانەیان كردووە، ئەم ژمارەیەی گواستنەوەی یارزیانانیش19:1 ٪ زیاتر بووە لە ریكۆردی پێشوو، لەم هەموو ئامارانەشدا و لەم هەموو هاتن و چونانەشدا، یانەكانی پریمەرلیگی ئینگلیزی پشكی شێریان بەركەوتووە، بەوەی بڕی 621 ملیۆن دۆلاریان لەكڕین و فرۆشتنی یاریزاناندا خەرجكردووە و لەم رووەوە ئەمان یەكەمن.
دیارتین گواستنەوەكان
لەبەرئەوەی وەك لە راپۆرتەكەی فیفادا هاتووە 5863 یاریزان لەم یانەوە چوونەتە یانەیەكی تر، ئەمەش ژمارەیەكی گەورەیە، بەڵام دەكرێت ئاماژە بە دیاترین ئەو یاریزانانە بدەین كە لە هەرسێ خولی ئیسپانیا و ئینگلتەرا و ئیتاڵیادا بەشداریی ئەم پرۆسەیە بوون، بەمشێوەیە:
ئینگلتەرا
*ماركینۆس لە ئەرسناڵ -ەوە بە خواسن چۆتە یانەی كرۆزیرۆ.
*برایان كۆنكۆ لە ئەرسناڵ -ەوە بە خواستن چۆتە هیوستن تاون.
*ماتیۆس ئۆمۆجۆ لە سانت ئیتیان -ەوە بە خواستن چۆتە چێڵسی.
*چەند یاریزانێكیش لەچێڵسی -یەوە چوونەتە یانەیەكی تر، لەوانەجواو فیلیكس بۆ میلان، چیزاری كاسادی بە خواستن بۆ تۆرینۆ.
*سێ یاریزانیش لە لیڤەرپوڵەوە چوونەتە یانەیەكی تر، لەوانە تۆماس هێل بۆ هارۆجیت تاون، گادین دانس بۆ سەندەرلاند.
*سێ یاریزانیش لە مان سیتی -یەوە بە خواستن چوونەتە یانەیەكی تر، لەوانە كایل وۆكەر بۆ ئەی سی میلان.
*مان سیتی لە بەرامبەر ئەو رۆیشتنانەدا، دوو یاریزانی نوێی هێناوەتە ریزەكانی، عومەر مەرموش لە ئینتراختەوە، عەبدولقادر خۆسانۆڤ لە یانەی لینس -ەوە.
*مان یونایتد -یش چوار یاریزانی بەخواستن چوونەتە یانەیەكی تر لەوانەلویس جاكسۆن بۆ یانەی ترانیمێر رۆڤەرس.
*یانەی تۆتنهام، دوو یاریزانی كڕیوەوە و یەك یاریزانیشی بەخواستن هێناوەتە ریزەكانی، لەوانە مین هیك یانگی لە یانەی گانگۆن كڕیوە.
ئیسپانیا
*لە ئیسپانیا، هەرسێ یانە زەبەلاحەكەی بارسیلۆنا و ریاڵ مەدرید و ئەتلەتیكۆ مەدرید هیچ یاریزانێكیان نەڕۆیشتووە و هیچ یاریزانێكیشیان نەهێناوەتە ریزەكانیان.
ئیتاڵیا
*لە ئیتاڵیا كۆلۆموانی لە یانەی پاریس سانجێرمانەوە بە خواستن چۆتە یۆڤانتۆس.
*لە بەرامبەردا، پۆڵ بۆگبا و نیكۆلۆ فاجیۆلی یانەكەیان جێهێشتووە.
*ئینتەر میلان، نەیاریزانی كڕیوە، نەیاریزانیشی رۆیشتووە.
*یانەی ئەی سی میلان سێ یایریزانی بە خواستن هێناوەتە ریزەكانی، كایل وۆكەر لە مان سیتی و جواو فلیكس لە چێڵسی و ریكاردۆ سۆتێل لە فیۆرەنتیناوە، لەبەرامبەردا دوو یاریزانی بە خواستن رۆیشتوون، ئەوانیش ئەلڤارۆ مۆراتا بۆ گەڵاتە سەرای و كیڤن زیرۆلی بووە بۆ مۆنزا.
*یانەی رۆما  دوو یاریزانی رۆیشتوون، بەڵام چوار یاریزانی هێناوەتە ریزەكانی لەوانە دیان ریچ لە ئەیاكسەوە بەبڕی 5 ملیۆن یۆرۆ و بیلۆڤی جۆلینی بەبڕی 800 هەزار یۆرۆ لە ئەتڵەنتاوە هاتونەتە رۆما.