شەهید نهاب عەلی حسێن سۆفی ناسراو بە نهاب گەرگەری، لەدایكبووی ساڵی 1992ی خێزانێكی كوردپەروەری عەشیرەتی گەرگەریی گوندی (كۆپانی)ی ناحیەی زومماری قەزای تەلەعفەری پارێزگای نەینەوایە.
ساڵی 2012 شەهید نهاب و تێكڕای بنەماڵەكەی پەیوەندییان كردووە بە رێكخستنەكانی یەكێتیی نیشتمانیی كوردستانەوە لە سنووری كۆمیتەی رێكخستنی زوممار، ئەندامێكی چالاك و دڵسۆز بووە، هەمان ساڵ بوووە بە پێشمەرگە لە فەوجی سێی تایبەتی عەشیرەتی گەرگەری لە لیوای111ی یەكەی70، بەشداریی چەندین خولی راهێنانی سەربازیی كردووە، لە سنووری پارێزگای نەینەوا و سحێڵان و زوممار وەك پێشمەرگەیەكی ئازا و چالاك خەباتی كردووە.
رۆژی 14/11/2014 لەكاتی گەڕان بەدوای شانە چەكدارەكانی داعش لە سنووری زوممار و دەوروبەری، لە گوندی (گرڤر) بۆمبێكی چێنراوی پێدا تەقییەوە و شەهید بوو، هاوكات برایەكیشی بەسەختی بریندار بوو.
شایانی بیرهێنانەوەیە، عەشیرەتی گەرگەری لە سەرەتای دامەزراندنی یەكێتییەوە بەشداریی خەباتیان لە حزبەكەدا كردووە و بەردەوامیش شەهیدیان بە كوردستان بەخشیوە، لەوانە: شەهید ئیبراهیم عەزۆ و قاسم گەرگەری و خالید گەرگەری.
ئەیاز محەمەد سەلیم هەركی
