برایەتی دێربی هەولێر -ی بردەوە

یارییەكانی هەفتەی 20

لە دوێنێ دووشەممە 24/2 – ەوە، هەفتەیەكی نوێ لە یارییەكانی خولی نایابی تۆپی پێی یانەكانی كوردستان- هەفتەی 20، دەستیانپێكردووە و سێ یاریی دەبێت كرابن، ئەمڕۆش سێشەممە، لە درێژە یارییەكانی ئەم هەفتە نوێیەدا، ئەم یارییانەی تر دەكرێن:
*دەربەندیخان ×  شەقڵاوە.
*رزگاری ×  چوار قوڕنە.
*رانیە × سیروانی نوێ.

دەبێت دوێنێش دووشەممە ئەم یارییانە كرابن:
*ئاكرێ × پیشەسازی.
*برایەتی × پ.هەولێر.
*زاخۆ × هەولێر.

رۆژی چوار شەممە و پێنجشەممەی رابردووش، 19 و 20 /2 ، یارییەكانی هەفتەی 19 ی ئەم خولە كران، لەبەر ئەوەی هەردوو یانەکەی لووتەكەی ریزبەندیی (شێروانە و پێشمەرگەی هەولێر) نەیانتوانی لە ركابەرەكانیان ببەنەوە و لەگەڵ ئاكرێ و شەقڵاوە یەكسانبوون، هەردووكیان لە شوێنی خۆیاندا لە ریزبەندیدا مانەوە.
زاخۆ تەنیا یانەیە كە لە بازنەی ركابەریدایە لەگەڵ ئەم دوو یانەیە، ئەم هەفتەیە ئەم 3-0 بەبراوە دانرا، چونكە یارییەكەی دەبوو لەگەڵ سەید سادق بكات.
ئەنجامێكی گەورەی ئەم هەفتەیەی یارییەكان، لە كلاسیكۆی هەولێردا تۆمار كرا، بەوەی برایەتی لە یاریگای هەولێر، توانی 4-1 لە هەولێر بباتەوە، بەم بردنەوەیەش برایەتی چۆتە پلەی چوارەمی و بە 26 خاڵ ئەو پلەیەی گرتووە و پێش هەریەكە لە رزگاری و ئاكرێ كەوتووە كە ئەمانیش هەر 26 خاڵیان هەیە، بەڵام بەجیاوازی گۆڵ برایەتی چوارەمە، تەواوی ئەنجامی یارییەكانی ئەو هەفتەیەش بەم شێوەیە بوون:

چوار شەممە 19/2
*پ.هەولێر  0 × 0  ئاكرێ.
*چوار قوڕنە 0 × 2  هەندرێن.
*هەولێر      1 × 4  برایەتی.

پێنجشەممە 20/2
*دەربەندیخان 1 × 1   رانیە.
*شەقڵاوە        2 × 2 شێروانە.
*سیروانی نوێ  2 × 1 رزگاری.
سەبارەت بە ریزبەندیی یانەكانیش، پاش تەواو بوونی هەفتەی 19 و بەر لە دەستپێكردنی هەفتەی 20، ریزبەندییەكە  بەو شێوەیەیە كە لە خشتەكەدا دیارییكراوە و لە پەیجی رەسمیی یەكێتیی تۆپی پێی كوردستانەوە وەرگیراوە.