پاش تەواو بوونی یارییەكانی قۆناغی یەكەمی خولی نایابی تۆپی دەستی یانەكانی عیراق، بۆ ماوەی دوو هەفتە خولەكە وەستا، پاشان رۆژی سێشەممەوە، 25/2، یارییەكانی قۆناغی دووەم دەستیانپێكردەوە و ئەم چوار یارییە لە یارییەكانی ئەم هەفتە نوێیەی قۆناغی دووەم بەمشێوەیە كران:
سێشەممە 25/2
*كەربەلا 39 × 26 سلێمانی.
*بەلەدییەی بەسرە 20 × 48 كەرخ.
*كوفە 23 × 32 شورتە.
*ئەلقاسم 28 × 31 زیقار.
دەبێت دوێنێش چوار شەممە ئەم یارییانەی تری خولەكە كرابن كە دوا سێ یاریی ئەم هەفتە نوێیەن:
*فتووە × نەوتی بەسرە.
*موسەییەب × جەیش.
*حەشد × دیالە.
تیپی یانەی سلێمانی تەنیا یانەی كوردستان -ی بەشدارە لەم خولەدا، لە هەفتەی كۆتاییدا لەبەر ئەوەی ئامادەی یارییەكە نەبوو كە دەبوو لە ناسریە بكرایە، 0-15 بەرامبەر ناسریە بەدۆڕاو دانرا، ئەم تیپە، لە قۆناغی یەكەمیی یارییەكاندا 14 یاریی كردووە، 5 یاریی بردۆتەوەو 9 یارییشی دۆڕاندووە، بە 15 خاڵ لەپلەی 9 -یەمی ریزبەندیایە.
سەبارەت بە ریزبەندیی یانە بەشدارەكانی ئەم خولەش، بە تەواو بوونی یارییەكانی قۆناغی یەكەم، تیپی یانەكانی حەشدی شەعبی و كەرخ، لەو 14 یارییەی كردوویانە، 13 یارییان بردۆتەوە و یەك یارییان دۆڕاندووە و خاوەنی 39 خاڵن و یەكەم و دووەمی ریزبەندیین، ئەمەش لەبەر ئەوەی لە یاریی هەفتەی كۆتایی قۆناغی یەكەمدا، لە یاریی رووبەڕووبوونەوەیاندا، حەشد 29-25 لە كەرخی بردەوە، بەمە حەشد چووە پلەی یەكەمیی ریزبەندیی، یەكەم تا پێنجەمی ریزبەندییش كۆی خاڵەكانیان سنوری 30 خاڵی تێپەڕاندووە و ریزبەندییەكەشیان بەمشێوەیەیە:
-1 حەشد (14 یاریی)(13 ب، 1 د)( 39 خاڵ).
-2 كەرخ (14 یاریی)(13 ب، 1 د)( 39 خاڵ).
-3 دیالە (14 یاریی)(11 ب، 2 د، 1 ی)( 34 خاڵ).
-4 شورتە (14 یاریی)(11 ب، 3 د)( 33 خاڵ).
-5 جەیش (14 یاریی)(11 ب، 3 د)( 33 خاڵ).
تیپی یانەی سلێمانیش لەو 13 یارییەی كردوونی، 4 یاریی بردۆتەوەو 9 یاریی دۆڕاوەو خاوەنی 12 خاڵەو لەپلەی 11 یەمدایە كە 15 یانە بەشداریی دەكەن.
