لە ئامارێکیدا کە بەڕێوەبەرایەتیی گشتیی تەندروستیی سلێمانی بڵاویكردووەتەوە، لەماوەی یەك مانگدا دوو هەزار و 52 نەخۆش لە نەخۆشخانەی كۆئەندامی هەرس و جگەری فێركاری چارەسەریان بۆ كراوە.
جەختیشكراوەتەوە لەوەی كە لەو ژمارەیە 229 نەخۆش لە نەخۆشخانە ماونەتەوە، 104 حاڵەتیان بۆ وەرگرتنی چارەسەری هەوكردنی ڤایرۆسیی جگەر بووە، 45 نەشتەرگەریی کۆئەندامی هەرس و جگەر، 281 پشكنینی هەناویی و گەدەش کراوە.
هەر بەپێی ئامارەكە، ئەوەشی خستۆتەڕوو كە 190 هەناوبینی و كۆلۆن و 49 رەنگکردنی بۆرییەكانی زراو و پەنكریاس و 19 سۆنەری هەناوبینی و 85 تیشك و 78 سۆنەر و 20 پشكنینی سیتی سكان و 654 پشكنینی خوێن و 52 نموونە بە سۆنەر وەرگیراوە.
لەلایەکی دیکەشەوە ئەو بەڕێوەبەرایەتییە ئاماری مانگی رابردووی نەخۆشخانەی دڵی بڵاوكردووەتەوە و بە گوێرەی ئەو ئامارە لە نەخۆشخانەی دڵ هەزار و 742 سەردانیكاریان هەبووە 578 نەخۆش چارەسەری بوژانەوەی دڵیان بۆ كراوە.
هەروەها 770 نەخۆش لە نەخۆشخانەکەدا ماونەتەوە 39 نەشتەرگەری و 247 قەستەرە و 148 دانانی باڵۆن و پێنج پەیس مەیكەر لە نەخۆشخانەی دڵ كراوە.
لە ئامارەكەدا ئەوەش روونكراوەتەوە 229 سیتی سكان و 602 ئیكۆ و 323 هێڵكاریی دڵ نۆ هۆڵتر كراوە لەگەڵ 129 چارەسەری سروشتی و 187 تیشك و هەزار و 643 پشكنینی تاقیگەیی كراوە.
