شەهید كاوە سۆڵەیی

شەهید كاوە عەبدولقادر ناسراو بە كاوە سۆڵەیی، لە دایكبووی ساڵی 1966ی گوندی (سۆڵە)ی ناچەی قەرەداخە.
ساڵی 1980 پەیوەندیی كردووە بە رێكخستنەكانی یەكێتیی نیشتمانیی كوردستانەوە و هەمان ساڵ بە چەكی خۆیەوە بووە بە پێشمەرگە لە هەرێمی پێنجی قەرەداخ، دواترش لە تیپی 55ی قەرەداخ درێژەی بە پێشمەرگایەتی داوە.
شەهید كاوە لە ژیانی پێشمەرگایەتیدا بەشداریی زۆرێك لە داستان و نەبەردییەكانی هێزی پێشمەرگەی كوردستانی كردووە، لە شەڕی شاخی زەردە برینداركراوە.
پێشمەرگەیەكی ئازا و چاونەترس بووە، هەر لەبەر ئازایەتیش پلەی فەرماندەی مەفرەزەی پێدراوە لە تیپی 55ی قەرەداخدا.
ساڵی 1991كراوە بە فەرماندەی تیپ لە هێزی زمناكۆ.
بەداخەوە، رۆژی 25/4/1997 لەشەڕێكی داسەپاودا بەسەر یەكێتیی نیشتمانیی كوردستاندا، لە شاخی ملەی دارێ لە سنوری پارێزگای هەڵەبجە، شەهیدكرا و گەیشتە كاروانی سەروەران.
محەمەد تۆفیق نەورۆڵی