پێپ گواردیۆلا دەڵێت، لەگەڵ هاتنی هانسی فلیک، دەبینم یانەکە دەگەڕێتەوە بۆ رەگوڕیشەی خۆی، بۆ ئەو بیرۆکانەی بەرشلۆنەیان کردە گەورەترین یانەی جیهان. فلیک راهێنەرێکی ئاسایی نییە، ئەو مێشکێکی ستراتیژیی هەیە کە بە قووڵی لە تۆپی پێ تێدەگات.
گواردیۆلا قسەی زیاتری لەسەر بەرشلۆنە هەیە و دەڵێت: “ئەم یانەیە توانای ئەوەی هەیە، دەست بەسەر هەموو تۆپی پێی ئەوروپادا بگرێت، بەرشلۆنە دەرفەتی راستەقینەی هەیە بۆ درەوشانەوەی لەم وەرزەدا. فلیک ئەزموونێکی گەورەی هەیە لە چامپیۆنزلیگ، دەزانێت چۆن تیپەکە بۆ یارییە گەورەکان ئامادە بکات."
گواردیۆلا دەشڵێت: "من دەڵێم چامپیۆنزلیگی ئەم وەرزە، دەرفەتێکی تەواو دەبێت بۆ بەرشلۆنە، تاوەکو بیسەلمێنێت کە هێشتا لە باشترینەکانە. پێشبینی دەکەم بیانبینم کە دوورتر بڕۆن لە پاڵەوانێتییەکە و نازناوەکە بەدەستبهێنن"
