ئیڤان فەیسەڵ بۆ کوردستانی نوێ :

فیلمی زارێ، بەپشتیوانی و هاوکاری (قوباد تاڵەبانی) بەرهەمهێنراوە

فیلمی (زارێ) یەكەم بەرهەمی رێكخراوی (زارێ‌)یە، بە پشتیوانيی و هاوكاری قوباد تاڵەبانی جێگری سەرۆك وەزیرانی هەرێمی كوردستان بەرهەمهێنراوە. 
ئیڤان فەیسەڵ سەرۆكی رێكخراوی زارێ‌ كە پرۆدیوسەری فلیمی زارێ‌ بوو دەربارەی رێكخراوەكە و  یەكەم بەرهەمی بە كوردستانی نوێی راگەیاند: 
رێكخراوی زارێ‌ لە كۆتایەكانی ساڵی 2024 دامەزراوە، ئامانجی سەرەكی رێكخراوی زارێ‌ هۆشیاركردنەوەی تاكی كۆمەڵگەیە لەرێگەی  هونەرەوە و بەشداریپێكردنی گەنج و هونەردۆستەكانی شارەكانی كوردستانە بەبێ‌ جیاوازی، ئەم بەرهەمە یەكەم بەرهەمی رێكخراوەكەمانە، كە زارێ‌ ناوی یەكەم بەرهەمی فلیمی مێژوويی سینەمايی كوردە ساڵی 1926 یەكێتی سۆڤیەت لەسەر كورد بەرهەمی هێناوە لە دەرهێنانی هامۆبەگ نازارۆف-ە،  ئێمەش جارێكی ديكە ویستمان ئەوناوە زیندوو بكەینەوە ناوی رێكخراوەكەمان بەو ناوەوە ناوبنێن، لەبەرئەوە فلیمی زارێمان بەرهەم هێنا.
وتیشی: فیلمەكە باس لە پرسی ماددەی هۆشبەر دەكات لە كۆمەڵگەدا، زیاتر بە شێوازێكی پەروەردەیی بەرهەمهاتووە، چونكە ئامانجمان لە بەرهەمهێنانی فلیمەكە هۆشیاركردنەوەی تاكە لە رێگەی ئەم فلیمەوە و بەرهەمە هونەریەكانمان بتوانین كۆمەڵگە هۆشیاربكەینەوە لەو پرسانەی كە مەترسی گەورەن بۆ سەر ژیانی مرۆڤایەتی، لەبەرئەوە فلیمەكەمان یەكەم نمایشی كردووە، ئێستا كەمپینەكەی بەردەوامە بۆ تەواوی شارەكانی كوردستان،  فلیمەكە بە پشتیوانی و هاوكاری كاك قوباد تاڵەبانی بەرهەمهاتووە، هاوكات دەزگای میدیایی كوردسات سپۆنەری فلیمەكەمانی كردووە، یەكێك لە هاوكارە سەرەكییەكانیش لە فلیمەكەدا كاك دێرین لەتیف رەشید بەرێوەبەری گشتی دەزگای میدیایی كوردسات بووە.
ئالان حەمە جەزا