شنه جه‌لال، خانمه دیزاینه‌ر، له رێگه‌ی كاره‌كه‌یه‌وه له سلێمانی هه‌لی كار بۆ چه‌ند خانمێك دەڕەخسێنێت.
شنه جه‌لال به دوالاپه‌ڕه‌ی راگه‌یاند: 19 ساڵه كاری دیزاین و دروومانيی ده‌كه‌م، له ته‌مه‌نی 12 ساڵییه‌وه ده‌ستمپێكردووه، ئێستا به شێوه‌یه‌كی ئه‌كادیميی مامۆستای دیزاین و دروومانم، كاره‌كه‌م له‌پاڵ حه‌زوخولیاكه‌م سه‌رچاوه‌ی بژێوی ژیانیشمه و له كاره‌كه‌مدا هه‌لی كارم بۆ 5 خانم ره‌خساندووه، له هه‌وڵی ئه‌وه‌دام خانمی زیاتریش وه‌ربگرین تا كاره‌كه‌م فراوانتر بكه‌م.
وتیشی: له ماوه‌ی كاركردنمدا چه‌ندین فاشن شۆمان كردووه، به‌م نزیكانه فاشن شۆیه‌كی خۆم ده‌بێت و دیزاینه‌كانی براندی خۆمی تێدا نمایشده‌كه‌م، كارمان بۆ كلیپی هونه‌رمه‌ندان و ئه‌كته‌رانی فیلمی سینه‌ما و شانۆ و ریكلامه بازرگانییه‌كان كردووه، ده‌توانم بڵێم به گشتی ئیشمان بۆ هه‌موو چین و توێژه‌كانی كۆمه‌ڵگه كردووه.
محه‌مه‌د عه‌بدولره‌حمان شاره‌زوور
