سۆلین عوسمان، پێشكه‌شكار و ئاماده‌كاری به‌رنامه‌ی (به‌ری به‌یان)ه له ئێزگه‌ی ده‌نگی گه‌لی كوردستان، كه به‌رنامه‌یه‌كی تایبه‌ته به هونه‌ر و فره ره‌هه‌ند و ناسكی به‌ره‌به‌یان.
سۆلین عوسمان به دوالاپه‌ڕه‌ی وت: پێشكه‌شكار و ده‌رهێنه‌ر و ئاماده‌كارم، ماوه‌ی ساڵ و نیوێكه خه‌ریكی ئه‌م پیشه‌یه‌م و دڵخۆشم، چونكه ئه‌زمونێكی نوێیه له ژیانمدا و چێژی لێ وه‌رده‌گرم، له كاركردندا جدیم، به‌ڵام به‌و مانایه نا عه‌زێتی چوارده‌ورم بده‌م.
وتیشی: پێویسته پیاوان هاوكاری ژنان بن تا بتوانن زیاتر خۆیان به‌ره‌وه پێشه‌وه‌ببه‌ن له راگه‌یاندن، هه‌شتی مارس لای من وه‌ك هه‌ر رۆژێكی ئاساییه، چونكه لای من هه‌رگیز ته‌نها رۆژێك تایبه‌ت نابێت، هه‌موو رۆژێك ژنێتی و ژن بوونی خۆم له‌به‌رچاوه و له خۆمی پیرۆز ده‌كه‌م، رۆڵی ژنان له راگه‌یاندندا پێشكه‌وتووه، ژنان پێویستیان به هانده‌رێكه بۆ پێشكه‌وتن، به‌ڵام ئه‌وه به‌و واتایه نایەت كه ژن ناتوانێت هیچ بكات، گه‌لێك ژن هه‌ن به ته‌نها له شاخه‌وه توانیویانه خه‌بات بكه‌ن و ئه‌م رۆژه بۆ ئێمه بخوڵقێنن.
ئاریا سه‌عید
