سەیف قەحتان، بێژەری كەناڵی ئاسمانی كەركوكە، ماوەیەكی كەمە لە راگەیاندن دەستبەكاربووە.
سەیف قەحتان بە دوالاپەڕەی وت: لە ساڵی 2024ەوە لە كەناڵی ئاسمانی كەركوك دەستبەكاربووم، وەك سەرنووسەر و بێژەری هەواڵ و پەیامنێری مەیدانی بەشی عەرەبی، پێكەوەژیانی برایانە لەو كەناڵەدا هەرگیز وەسف ناكرێت، چونكە بە فرە پێكهاتەكانی دەناسرێتەوە لەنێو كارمەندانیدا و رەنگدانەوەی وێنەی شكۆداری كەركوك و خەڵكەكەی دووپاتدەكاتەوە كە رەوانشاد مام جەلال بە (دەستەگوڵەكە) وەسفی كردوون.
وتیشی: هیوادارم لەپێناو گەیاندنی راستییەكاندا پرۆفیشناڵانە كاربكەم و بتوانم لە دەسەڵاتی چوارەمدا هاوكاری برادەرانم بم.
رزگار شوانی-كەركوك
