بەرنامەی (هەڵۆكان) بەرنامەیەكی مەیدانییە دوو هەفتە جارێك شەوانی شەممە سەعات 10ی شەو لە كەناڵی ئاسمانیی كەركوك پەخش دەكرێت، هاوكات رۆژانی یەكشەممە سەعات 1ی پاشنیوەڕۆ دووبارە دەبێتەوە.
عەبدوڵڵا شاسوار سەنگاوی پێشكەشكاری بەرنامەی هەڵۆكان بە دوالاپەڕەی وت: بەرنامەكە تایبەتە بە پێشمەرگە دێرینەكان، هەر جارەی لە دەڤەرێك پێشمەرگەیەكی دێرین یان فەرماندەیەكی سەربازيی سەردەمی شاخ بەسەردەكەینەوە، پێشمەرگەكان لە رێگەی ئەم بەرنامەیەوە چیرۆكەكانی سەردەمی پێشمەرگایەتی و خەباتی نەپساوی شۆڕشی نوێ یان نەبەردی و داستانەكانی هێزی پێشمەرگەی (ی.ن.ك) دەگێڕنەوە، لەم بەرنامەیەدا ژنانیش بێبەش نین، تا ئێستا چەندین ژنی شاخ یان ژنانی سەر بە رێخستنەكان بەشداری بەرنامەكەیان كردووە.
یەسنا محەمەد
