یانه‌ سه‌ركه‌وتووەکان‌ بۆ قۆناغی دووه‌می پله‌ی ئۆف ده‌ركه‌وتن

یارییه‌كانی قۆناغی یه‌كه‌می پله‌ی ئۆفی  خولی پیشه‌گه‌ره‌كانی باسكه‌ی یانه‌كانی عیراق  كۆتاییانهات، چوار یانه‌ له‌م قۆناغه‌وه‌ گه‌یشتنه‌ قۆناغی دووه‌می پله‌ی ئۆف، هه‌رچوار یانه‌كه‌ به‌ یه‌ك ئه‌نجام و 3-1  و 3-0 له‌ ركابه‌ره‌كانیان برده‌وه‌ به‌مشێوه‌یه‌:
-1 دیجله‌ جامیعه‌ 3 × 1 حلله‌.
-2 دیفاع جه‌وی 3 × 0 گازی باكوور.
-3 شورته‌ 3  × 0 زاخۆ.
-4 كه‌رخ 3 × 1 حه‌شدی شه‌عبی.
دواتر یارییه‌كانی قۆناغی دووه‌می پله‌ی ئۆفیش به‌م سیستمه‌ یارییه‌كانی خۆیان له‌گه‌ڵ یه‌كتردا ده‌كه‌ن:
*براوه‌ی یاریی 1 - دیجله‌ جامیعه‌× براوه‌ی یاریی 4 -كه‌رخ.
*براوه‌ی یاریی 2 -دیفاع جه‌وی × براوه‌ی یاریی 3 - شورته‌.
پاش ئەوەی یارییه‌كانی هه‌ردوو قۆناغی یه‌كه‌م و دووه‌می خولەکە كۆتاییانهات، خولەکە پێی نایه‌ قۆناغی پله‌ی ئۆفه‌وه‌ كه‌ یه‌كه‌م تا هه‌شته‌می ریزبه‌ندیی كۆتایی به‌شدار بوون.
له‌ قۆناغی گروپه‌كاندا، هه‌رتیپێكی به‌شدار له‌م خوله‌دا، 18 یاریی كرد، چونكه‌ 10 یانه‌ به‌شداریی خوله‌كه‌ بوون، پاش ئه‌وه‌ی یانه‌ی ده‌ربه‌ندیخان كه‌ یه‌كێك بوو له‌ یانه‌ به‌شداره‌كان، پاشه‌كشه‌ی كرد و 10 تیپ مانه‌وه‌.
له‌ خوله‌كه‌دا ته‌نیا دوو یانه‌ی كوردستان مانەوە، ئه‌وانیش زاخۆ و گازی باكووری شاری كه‌ركوك بوون، زاخۆ شه‌شه‌م و گازی باكووریش حه‌وته‌می ریزبه‌ندیی بوو، پاش ته‌واو بوونی سه‌رجه‌م یارییه‌كانی قۆناغی یه‌كه‌م و دووه‌می خوله‌كه‌، ریزبه‌ندیی كۆتایی به‌مشێوه‌یه‌ی لێهات پاش ئه‌وه‌ی هه‌ر تیپه‌و 18 یاریی كرد:
-1 دیجله‌ جامیعه‌ (14 بردنه‌وه‌) (4 دۆڕان) (33 خاڵ).
 -2 دیفاع جه‌وی (15 بردنه‌وه‌) (3 دۆڕان) (33 خاڵ).
 -3 شورته‌ (12 بردنه‌وه‌) (6 دۆڕان) (30 خاڵ).
-4 كه‌رخ(8 بردنه‌وه‌)(10 دۆڕان) (30 خاڵ).
-5 حه‌شدی شه‌عبی (9 بردنه‌وه‌) (9 دۆڕان) (30 خاڵ).
-6 زاخۆ (11 بردنه‌وه‌) (7 دۆڕان) (29 خاڵ).
-7 گازی باكوور (9 بردنه‌وه‌) (9 دۆڕان) (27 خاڵ).
-8 حلله ‌(7 بردنه‌وه‌) (11دۆڕان) (27 خاڵ).
-9 كاره‌با (3 بردنه‌وه‌) (15 دۆڕان) (23 خاڵ).
-10 تیجاره ‌(2 بردنه‌وه‌) (16 دۆڕان) (20 خاڵ).
به‌م ئه‌نجامانه‌، هه‌روه‌ك ئه‌وه‌ی له‌ خولی باسكه‌ی ئه‌مریكادا په‌یڕەو ده‌كرێت، یه‌كه‌م تا هه‌شته‌می ریزبه‌ندیی بۆ قۆناغی یه‌كه‌می پله‌ی ئۆف سه‌ركه‌وتن، هه‌ردوو یانه‌ی كاره‌با و تیجاره‌ش ئاوت بوون، پاشان به‌ سیستمی 1×8، 2×7، 3×6، 4×5، یارییه‌كانی قۆناغی یەکەمی پله‌ی ئۆف کران، لەو یارییانەوە چوار تیپ بۆ قۆناغی دووەمی پلەی ئۆف سەرکەوتوون، وەک ئەوەی لە سەرەتاوە ئاماژەی پێکراوە.