درامای باڵه‌خانه‌..

یه‌كێكه‌ له‌ دراما سه‌ركه‌وتووه‌كانی مانگی ره‌مه‌زان

11:51 - 2025-03-17
هەمەرەنگ
60 جار خوێندراوەتەوە

به‌رهه‌می به‌شی هونه‌ری سینه‌مای به‌ڕێوه‌به‌رایه‌تی گشتیی رۆشنبیریی و هونه‌ریی سلێمانییه‌، له‌ مانگی ره‌مه‌زانی پیرۆز‌دا، له‌سه‌ر شاشه‌ی كه‌ناڵی (كوردسات)، زنجیره‌ درامای (باڵه‌خانه‌)ی نمایشكرد كه‌ پێكهاتبوو له‌ (12) ئه‌ڵقه‌ و ده‌نگدانه‌وه‌یه‌كی باشی له‌نێو بینه‌راندا دروستكرد.
هونه‌رمه‌ند دڵشاد حسێن، ده‌رهێنه‌ری زنجیره‌ دراماكه‌ به‌ كوردستانی نوێی راگه‌یاند: سه‌ره‌تای دروستكردنی (باڵه‌خانه‌) بۆ سه‌ره‌تای ساڵی 2021 ده‌گه‌ڕێته‌وه‌، كاتێك سه‌ره‌تا سیناریۆكه‌م نووسینی كارێكی هاوبه‌ش بوو له‌ نێوان بودجه‌ی حكومه‌ت و كۆمپانیایه‌ك، به‌ڵام به‌هۆی رۆتیناتی ئیداریی و  تێنه‌گه‌یشتن، به‌ هاوبه‌شی نه‌كرا.
وتیشی: سیناریۆكه‌ هێڵی گشتی باسكردنه‌ له‌ كێشه‌ی چینایه‌تی له‌ سه‌رده‌می نوێدا، ململانێی نه‌وه‌ی نوێ و رابردوو، خۆگونجاندن له‌گه‌ڵ سه‌رده‌می نوێ و ده‌ستگرتن به‌ یاده‌وه‌ریی رابردوو، به‌رهه‌مه‌كه‌ له‌سه‌ر بودجه‌ی به‌رێوه‌به‌رایه‌تی گشتی رۆشنبیری و هونه‌ر، به‌شی سینه‌ما به‌رهه‌مهێنراوه‌، بۆ پۆست پرۆده‌كشن به‌ سوپاسه‌وه‌ چه‌ند خه‌مخۆرێك هاوكاری كردین، به‌شه‌كانی ره‌نگ و تایتڵ و په‌خش كه‌ناڵی كوردسات كاره‌كانی ته‌واوكرد بۆ په‌خش، وه‌رزی دووهه‌م وه‌ك سیناریۆ ئاماده‌یه‌، به‌ڵام چاوه‌ڕوانی بودجه‌ین له‌ هه‌ر لایه‌ك بێت، تا ده‌ست به ‌به‌رهه‌مهێنانی بكه‌ین.
كۆمار عه‌لی

بابەتە پەیوەندیدارەکان