به‌رزه‌قه‌تار، نوێترین كاری بورهان محه‌مه‌ده‌ بۆ گه‌رمیانییه‌كان

له‌ نوێترین كاری ئۆركێسترایدا هونه‌رمه‌ند بورهان محه‌مه‌د به‌رهه‌مه‌ نوێیه‌كه‌ی له‌لایه‌ن كه‌ناڵی كوردسات سپۆنسه‌ر كراوه‌، به‌رهه‌مه‌كه‌ له‌ وێنه‌گرتن و ده‌رهێنانی به‌رزان شاكره‌ كه‌ كارێكی ئۆركێسترایە میوزیكه‌كه‌ی مایسترۆ نه‌جات ئه‌مین ئاماده‌ و دابه‌شكردنی بۆ كردووه‌ له‌ ستۆدیۆكه‌ی به‌ڕێزیان تۆماركراوه‌، ده‌نگ هه‌ڵگر هونه‌رمه‌ند زانا عه‌بدوڵڵاهیه‌.
بورهان محه‌مه‌د به‌ دوالاپه‌ڕه‌ی وت: كلیپه‌كه‌ هه‌ریه‌ك له‌ (هونه‌رمه‌ند عه‌دنان محه‌مه‌د، مه‌حمود گه‌ڵاڵی، راڤین عیرفان، یاد بورهان، محه‌مه‌د رووناك گه‌رمیانی) و كۆمه‌ڵێك له‌ هاووڵاتیانی گونده‌كانی گورگه‌ی شامار و گوندی گۆش قوت و په‌یمانگه‌ی هونه‌ره‌جوانه‌كانی خانه‌قین به‌شداریان تێدا كردووه‌.
وتیشی: ئه‌م كاره‌ بۆنو به‌رامی ناوچه‌ی گه‌رمیانی پێوه‌ دیاره‌، هیوادارم توانیبێتم به‌م به‌رهه‌مه‌ خزمه‌تێكی ناوچه‌كه‌م كردبێت، سوپاسی هه‌موو ئه‌و كه‌سانه‌ ده‌كه‌م كه‌ هاوكاری ماددی و مه‌عنه‌ویم بوون و ئه‌وانه‌شی نایا‌نه‌وێت ناویان بهێنم ئه‌وان نه‌بونایه‌ ئه‌م كاره‌ به‌ ئه‌نجام نه‌ده‌گه‌یشت. 
ئالان محه‌مه‌د جه‌زاسه‌عید