شێروان كه‌ركوكی، هونه‌رمه‌ند و راگه‌یاندكار، ساڵانێكی زۆره به‌رده‌وامه له كۆكردنه‌وه‌ی ئه‌رشیفی جۆراوجۆر به‌تایبه‌تی ئه‌رشیفی كوردی و گه‌ڕان به دوای كه‌لتوری نه‌ته‌وه‌كه‌ماندا.
شێروان كه‌ركوكی به دوالاپه‌ڕه‌ی وت: بۆ 20 ساڵ ده‌چێت هه‌زاران فیلم و ته‌مسیلی و دراما و شانۆگه‌ری و گۆرانی كوردی كۆن و نوێ و فیلم و درامای عیراقی و به‌رنامه‌ی هونه‌ريی و فیلمی كارتۆنی و ڤیدیۆی ئه‌رشیفی جاران و فیلمی بیانی و بابه‌تی هه‌مه‌ڕه‌نگ و سه‌رجه‌م به‌رهه‌م و قه‌وانی هونه‌رمه‌ندانی كوردم كۆكردۆته‌وه وه‌ك ئه‌رشیفێك پاراستومه.
وتیشی: ئاماده‌م تا كۆتایی ژیانم ئه‌و ته‌مه‌نه‌ی خوای باڵاده‌ست پێم ده‌به‌خشێت هه‌وڵی كۆكردنه‌وه و پارێزگاری له ئه‌رشیفی گه‌له‌كه‌م بكه‌م و هێشتا هه‌ست ده‌كه‌م زۆرم ماوه جێبه‌جێی بكه‌م.
شوان كه‌ركوكی
