ئاكار ئیبراهیم، ده‌فژه‌ن، دانیشتووی قه‌زای ده‌ربه‌ندیخانه، ته‌مه‌نی 18 ساڵه و خوێندكاره له قۆناغی یه‌كه‌می هونه‌ره جوانه‌كانی كفری به‌شی میوزیك.
ئاكار ئیبراهیم به كــــــوردستانی نوێ -ی وت: به شێوه‌یه‌كی ئه‌كــــادیمی زیـــاتر له 5 ساڵه ده‌ستم به كاری ده‌ف ژه‌نین كردووه، پێش ئه‌وه‌ش له مزگه‌وت و خانه‌قاكانی شاری ده‌ربه‌ندیخان ئەو كارەم كردووە، هه‌ر له منداڵییه‌وه حه‌زێكی زۆرم بۆ ده‌ف هه‌بووه، هه‌ر ئه‌و حه‌زه‌ش منی دروستكرد، كاره‌كه‌م له‌به‌ر حه‌زی خۆم ده‌یكه‌م له‌پاڵ حه‌زه‌كه‌م سوودی ماددیشی هه‌یه.
وتیشی: تا ئێستا كاری تایبه‌تی خۆمم نه‌بووه، به‌ڵام له ماوه‌ی ئه‌م چه‌ند ساڵه‌دا كۆمه‌ڵێك چالاكی زۆرم هه‌بووه، له‌گه‌ڵ گروپی میوزیكی سه‌نته‌ری گه‌نجان زیاتر له 10 كارم هه‌یه، به‌م نزیكانه كاری تازه‌م له‌گه‌ڵ گروپی میوزیكی وه‌فايی ده‌بێت بۆ یادی ئه‌نفال له شاری كفری كارێكی زۆر تایبه‌ت ده‌بێت، هاوكات هه‌موو ئامێره ریتمییه‌كان ده‌ژه‌نم، جگه له ئامێره ریتمییه‌كان فێرخوازی ئامێری كه‌مانچه‌شم.
محه‌مه‌د عه‌بدولره‌حمان شاره‌زوور
