به‌ناز رەئوف، ده‌رچووی په‌یمانگه‌ی هونه‌ره‌جوانه‌كانی سلێمانییه به‌شی سیرامیك، دڵخۆشه به كاره‌كه‌ی و ده‌یه‌وێت له ئاینده‌یه‌كی نزیكدا پێشانگه‌ی سێهه‌می تایبه‌ت به‌خۆی بكاته‌وه.
به‌ناز رەئوف به كوردستانی نوێ-ی راگه‌یاند: زیاتر له 28 ساڵه سه‌رقاڵی كاری سیرامیكم، كاره‌كه‌م خۆشده‌وێت، خاوه‌نی 2 پێشانگه‌ی تایبه‌تی خۆمم، به‌شداری زیاتر له 60 پێشانگه‌ی هاوبه‌شم كردووه، له ده‌ره‌وه و ناوه‌وه‌ی هه‌رێم، به‌شداريی 4 پێشانگه‌ی نێوده‌وڵه‌تی و كاری ده‌ستیم كردووه له وڵاتی ئێران.
وتیشی: له‌م ساڵیشدا له شاری به‌سره به‌شداریم له پێشانگه‌یه‌ك كردووه، ده‌مه‌وێت زیاتر بره‌و به كاره‌كه‌م بده‌م تا به‌ره‌وپێشتر بڕۆم، به‌م نزیكانه پێشانگه‌ی سێهه‌مم ده‌كه‌مه‌وه.
پاڤێڵ محەمەد
