هونەرمەند عەلی تازەدێی بە كوردستانی نوێ-ی راگەیاند: لە 37هەمین ساڵڕۆژی كیمیابارانی هەڵەبجەوە پەیكەری (عومەری خاوەر)م لە فولكەی كۆڕنیشی مارینا لە قەزای كەلار دانا، داواش دەكەم وەك رێزێك لە قوربانییانی هەڵەبجە شەقامێكی شایستە لە شارەكەدا بكرێت بەناوی شەهیدی كیمیاباران (عومەری خاوەرە)وە و پەیكەری ئەوی تێدا دابنرێت.
وتیشی: لەدوای راپەڕینی ساڵی 1991وە، لەسەر ئەركی خۆم ساڵانە لە یادی تاوانی هەڵەبجە و ئەنفال پێشانگەی شێوەكاريی تایبەت بە جینۆسایدی گەلی كورد دەكەمەوە و ئامانجمە جینۆسایدی كورد لە رێگەی هونەرەكەمەوە بە دنیا بناسێنم.
حسێن عەزیز
