شەوی دووشەممە 17/3/2025، هەڤاڵ ئاسۆ مامەند بە یاوەری هەڤاڵان (جەلال شێخ ناجی، رەوەند مەلا مەحمود، هەڵكەوت عەبدوڵڵا، د.شیلان فەتحی) و ژمارەیەك لە كادیرانیی پێشكەوتوو لە گەڕەكی ئیسكانی شاری كەركوك، فێستیڤاڵی ساغكردنەوەی بەرهەمە ناوخۆییەكان و كاری دەستيی خانمانیان بەسەركردەوە، لەو بەسەركردنەوە مەیدانییانەی هەڤاڵ ئاسۆ مامەند و وەفدی یاوەری تەئكیدیان لەوە كردەوە كە هەمیشە یەكێتی خۆی بە بەشێك لە خەڵك زانیوە و هیچكات لە جەماوەرەكەی دانەبڕاوە، ئەو كاتانەشی كە دەچنە ناو خەڵك دەیانەوێت لە نزیكەوە گوێیان لە كێشە و داواكارییەكانیان بێت.
لەمبارەیەوە د.شیلان فەتحی بە كوردستانی نوێ-ی راگەیاند: ژنان دەتوانن بگەن بە سەربەخۆيی خۆیان كاتێك دەبن بە خاوەن پیشە و ئابووری سەربەخۆی خۆیان، لەگەڵ هەڤاڵ ئاسۆ و یاوەرانی سەردانی پێشانگەیەكی كاری دەستیمان كرد لە بازاڕی ئیسكانی شاری كەركوك، فێستیڤاڵەكە دەرفەت واڵا دەكات كە خانمان كارە پیشەییەكانی خۆیان بخەنەڕوو، بەهیواین ئەم جۆرە پێشانگەیانە بەردەوامبێت و خانمانی كەركوك بەردەوامبن لە داهێنان و كارسازی.
یەسنا محەمەد
